विधानसभा निवडणूक : परभणी जिल्ह्यात मतदानाला उत्साहात सुरूवात

सकाळी 9 वाजेपर्यंत सरासरी 6.59 टक्के मतदान

परभणी : विधानसभा सार्वत्रिक निवडणूक 2024 साठी आज सकाळी 7 वाजता मतदानाला सुरुवात झाली आहे. परभणी जिल्ह्यात सकाळी 7 ते 9 वाजेदरम्यान सरासरी 6.59 टक्के मतदान झाले असल्याचे जिल्हाधिकारी तथा जिल्हा निवडणूक अधिकारी रघुनाथ गावडे यांनी सांगितले.

परभणी जिल्ह्यातील 95-जिंतूर विधानसभा मतदारसंघात 6.92 टक्के मतदान झाले असून, 96-परभणी विधानसभा मतदारसंघात 7.1 टक्के मतदारांनी मतदानाचा हक्क बजावला आहे. तर 97-गंगाखेड विधानसभा मतदारसंघात 5.16 टक्के आणि 98- पाथरी विधानसभा मतदारसंघात 7.36 टक्के मतदारांनी मतदानाचा हक्क बजावत राष्ट्रीय कर्तव्य पार पाडले आहे.