रामायणाचार्य रामरावजी ढोक महाराज यांची तुलसी रामकथा २५ मार्चपासून 

प्रसिद्ध उद्योजक आर.बी.घोडके परिवारातर्फे सेलूमध्ये भव्य आयोजन, जय्यत तयारी सुरू 

सेलू / परभणी : रामायणाचार्य रामरावजी महाराज ढोक नागपूरकर यांच्या अमृतमय रसाळ वाणीतून २५ मार्च ते ३० मार्च या कालावधीत सायंकाळी ६ ते ९ वाजेपर्यंत संगीत तुलसी रामकथेचे आयोजन सेलू (जि.परभणी) येथे करण्यात आलेले आहे.

जगद्‌गुरू श्रीसंत तुकाराम महाराज त्रिशतकोत्तर अमृत महोत्सवी सदेह वैकुंठ गमन सोहळा व गुरूवर्य श्रीसंत नथुरामबाबा केहाळकर यांची पुण्यतिथी तपपूर्ती सोहळ्यानिमित्त प्रसिद्ध उद्योजक तथा आरबी घोडके इन्फ्रास्ट्रक्चरचे संचालक रामप्रसादजी घोडके परिवारातर्फे या भव्य कथा सोहळ्याचे आयोजन करण्यात आले आहे. रविवार, ३० मार्चरोजी सकाळी ९ ते १२ वाजेपर्यंत रामकथा व वारकरी गौरव, संतपूजन कार्यक्रम आहे. दुपारी १ ते ४ महाप्रसादाने सांगता होणार आहे. सेलू येथील नूतन विद्यालय (हनुमान गढी) परिसरात कथा होणार असून कथामंडप उभारणीसह जय्यत तयारी सुरू आहे. कथा श्रवणाचा व महाप्रसादाचा लाभ घ्यावा, असे आवाहन आयोजक रामप्रसादजी घोडके यांच्यासह भगवान घोडके, इंजि.अशोक घोडके, इंजि.अंबादास घोडके, डॉ.रविंद्र घोडके, राजेंद्र घोडके, देवराव काळे, डॉ.केदार खटींग, डॉ.कैलास आवटे, डॉ.शंकरराव काळे यांनी केले आहे.